Home Malayalam പുറത്ത് പോകണമെന്ന് ഭാഗ്യ ലക്ഷ്മി, നിയന്ത്രണം വിട്ട് പൊട്ടിക്കരഞ്ഞു

പുറത്ത് പോകണമെന്ന് ഭാഗ്യ ലക്ഷ്മി, നിയന്ത്രണം വിട്ട് പൊട്ടിക്കരഞ്ഞു

80
0
bagyalakshmi-bigboss

കുറച്ച് ദിവസമായി സമാധനവും ശാന്തവുമായിരുന്നു ബിഗ് ബോസ് ഹൗസില്‍. എന്നാല്‍ ഇപ്പോള്‍ വീണ്ടുമൊരു പൊട്ടിത്തെറിക്കുള്ള സാധ്യത ഉയരുകയാണ്. അണിയറ പ്രവര്‍ത്തകര്‍ പുറത്തുവിട്ട വീഡിയോയിലാണ് ഇതിന് സൂചനയുള്ളത്. മത്സരാര്‍ത്ഥിയായ ഭാഗ്യലക്ഷ്മി നിയന്ത്രണം വിട്ട് പൊട്ടിക്കരയുന്നതാണ് വീഡിയോയിലുള്ളത്.

ഭാഗ്യലക്ഷ്മിക്ക് എതിരെ ഫിറോസ് ഖാന്‍ രംഗത്ത് എത്തുകയായിരുന്നു. കഴിഞ്ഞ എപ്പിസോഡിന്റെ അവസാന ഭാഗത്ത് ഇത് കാണിച്ചിരുന്നു. മോണിംഗ് ടാസ്‌ക്കിനിടെയാണ് ഫിറോസ് ഖാന്‍ ഭാഗ്യലക്ഷ്മിക്കെതിരെ രംഗത്ത് എത്തുന്നത്. പ്രൊമോ വീഡിയോയില്‍ ഭാഗ്യ ലക്ഷ്മിയെ ഫിറോസ് വിഷം എന്ന് വിളിച്ചിരുന്നു. ഈ വീട്ടില്‍ ഒരുപാട് പൊയ്മുഖങ്ങളുണ്ട്. ഒരുപാട് വിഷം നിറഞ്ഞ ആളുകളുണ്ട്. അതില്‍ ഏറ്റവും വലിയ വിഷം ഭാഗ്യലക്ഷ്മി ചേച്ചിയാണെന്നായിരുന്നു ഫിറോസ് ഖാന്‍ പറഞ്ഞത്. ഇതിന് ശേഷം ഭാഗ്യലക്ഷ്മി നോബിയെ കെട്ടിപ്പിടിച്ച് പൊട്ടിക്കരയുകയായിരുന്നു. എന്തുവേണമെങ്കിലും വിമര്‍ശിച്ചു കൊള്ളട്ടെ പക്ഷെ വിഷം എന്നൊന്നും പറയരുതായിരുന്നുവെന്ന് പറഞ്ഞാണ് ഭാഗ്യലക്ഷ്മി പൊട്ടിക്കരയുന്നു.

ഭാഗ്യലക്ഷ്മിയെ മറ്റ് താരങ്ങള്‍ ആശ്വസിപ്പിക്കാന്‍ ശ്രമിക്കുന്നുണ്ട്. എന്നാല്‍ എന്നെ വിടൂ, എന്ന് പറഞ്ഞുകൊണ്ട് ഭാഗ്യലക്ഷ്മി ഒഴിഞ്ഞുമാറുകയാണ് ചെയ്യുന്നത്. എന്നെ വെളിയില്‍ വിട്ടേക്കാന്‍ ഭാഗ്യലക്ഷ്മി പറയുന്നു. ക്യാമറക്ക് മുന്നിലെത്തി ബിഗ്‌ബോസിനോടും ഭാഗ്യലക്ഷ്മി സംസാരിക്കുന്നുണ്ട്. വിഷം എന്ന വിളി കേള്‍ക്കുന്നത് ആദ്യമാണ്. തന്നെ ഇവിടെ നിന്നും പുറത്ത് വിടണമെന്നാണ് ഭാഗ്യലക്ഷ്മി പറയുന്നത്.

അതേസമയം ഭാഗ്യലക്ഷ്മിയോട് ബിഗ് ബോസ് പ്രത്യേക പരിഗണന കാണിക്കുന്നുവെന്ന വിമര്‍ശനം പ്രേക്ഷകര്‍ക്കിടയില്‍ സജീവമാണ്. നേരത്തെ ഭാഗ്യലക്ഷ്മി കരഞ്ഞപ്പോള്‍ ബിഗ് ബോസ് ആശ്വസിപ്പിച്ചതും ബിഗ് ബോസ് തനിക്ക് സഹോദരനെ പോലെയാണെന്ന് ഭാഗ്യലക്ഷ്മി പറഞ്ഞതുമെല്ലാം കണക്കിലെടുത്താണ് പ്രേക്ഷകരുടെ വിമര്‍ശനം.

LEAVE A REPLY

Please enter your comment!
Please enter your name here