Home News അന്ന് അച്ഛന്‍ ഇന്ന് മകന്‍, ജനറേഷന്‍ മാറിയിട്ടും മാറ്റമില്ലാതെ മമ്മൂട്ടിയുടെ സൗന്ദര്യം

അന്ന് അച്ഛന്‍ ഇന്ന് മകന്‍, ജനറേഷന്‍ മാറിയിട്ടും മാറ്റമില്ലാതെ മമ്മൂട്ടിയുടെ സൗന്ദര്യം

68
0
prithviraj with mammoootty

പൃഥ്വിരാജ് പങ്കുവെച്ച പുതിയ ചിത്രമാണ് ഇപ്പോള്‍ സോഷ്യല്‍ മീഡിയയില്‍ വൈറലാവുന്നത്. അച്ഛന്‍ സുകുമാരനൊപ്പവും തനിക്കൊപ്പവും ഇരിക്കുന്ന മമ്മൂട്ടിയുടെ ചിത്രങ്ങള്‍ ചേര്‍ത്തായിരുന്നു താരത്തിന്റെ പോസ്റ്റ്. മമ്മൂക്ക എന്ന അടിക്കുറിപ്പിലാണ് താരം ചിത്രങ്ങള്‍ പങ്കുവെച്ചത്. വര്‍ഷങ്ങള്‍ക്ക് മുന്‍പ് ഷൂട്ടിങ് സെറ്റില്‍ നിന്നുള്ളതാണ് സുകുമാരനൊപ്പമുള്ള മമ്മൂട്ടി ചിത്രം. രണ്ട് തലമുറകള്‍ക്കൊപ്പമുള്ള മമ്മൂട്ടിയുടെ ചിത്രം ആരാധകര്‍ക്കിടയില്‍ വൈറലാവുകയാണ്.

മമ്മൂട്ടിയുടെ മകനും നടനുമായ ദുല്‍ഖര്‍ സല്‍മാന്‍ ഉള്‍പ്പടെ നിരവധി പ്രമുഖരാണ് കമന്റുമായി എത്തിയിരിക്കുന്നത്. ഇത് ഇഷ്ടപ്പെട്ടു എന്നായിരുന്നു ദുല്‍ഖറിന്റെ കമന്റ്. കുടുംബത്തിലെ മൂന്നാമത്തെ തലമുറയില്‍പ്പെട്ട അല്ലിക്കൊപ്പമുള്ള ചിത്രം കൂടി വേണം എന്നാണ് പൃഥ്വിരാജിന്റെ ഭാര്യ സുപ്രിയ കുറിച്ചത്. അന്നും മമ്മൂക്ക ചെറുപ്പമായിരിക്കും എന്ന ആരാധകന്റെ കമന്റിന് അതില്‍ സംശയമൊന്നും വേണ്ട എന്നായിരുന്നു സുപ്രിയയുടെ മറുപടി.

വര്‍ഷങ്ങളുടെ വ്യത്യാസമുള്ള ചിത്രങ്ങളിലെ മമ്മൂട്ടിയുടെ സൗന്ദര്യമാണ് ആരാധകരെ അമ്ബരപ്പിക്കുന്നത്. മമ്മൂട്ടിയുടെ പ്രായം പിന്നോട്ടു പോവുകയാണോ എന്നാണ് അരാധകരുടെ സംശയം. നിരവധി ചിത്രങ്ങളിലാണ് മമ്മൂട്ടിയും സുകുമാരനും ഒന്നിച്ച്‌ അഭിനയിച്ചിരിക്കുന്നത്. വൈശാഖ് സംവിധാനം ചെയ്ത പോക്കിരി രാജയില്‍ മമ്മൂട്ടിയുടെ സഹോദരനായി പൃഥ്വിരാജ് എത്തി. മമ്മൂട്ടിയെ നായകനാക്കി പൃഥ്വിരാജ് സിനിമ സംവിധാനം ചെയ്യുന്നതിനായി കാത്തിരിക്കുകയാണ് ആരാധകര്‍.

LEAVE A REPLY

Please enter your comment!
Please enter your name here